#GetScreenedEU
- L-iskrinjar tal-kanċer huwa eżami tas-saħħa sempliċi u ta’ rutina li jista’ jsalvalek ħajtek.
- Il-kanċer aktar faċli tikkurah jekk taqbdu kmieni. Jekk taqbdu kmieni, ikollok aktar għażliet u għażliet aħjar għat-trattament.
- L-iskrinjar jeħodlok biss ftit minuti, iżda jista’ jsalvalek ħajtek.
- L-UE għandha l-mira li sal-2025, 90% ta’ kull min hu eliġibbli jkun skrinja għall-kanċer tas-sider, tal-għonq tal-utru, jew tal-musrana.
- Ħu ftit minuti għalik u għal saħħtek #GetScreenedEU #EUCancerPlan
Il-kanċer aktar faċli tikkurah jekk taqbdu kmieni. L-iskrinjar jista’ jwassal għal dijanjożi bikrija li żżid l-għażliet għat-trattament, issalva l-ħajjiet u ttejjeb il-kwalità tal-ħajja.
Il-programmi tal-iskrinjar tal-kanċer jiġu organizzati u jsiru minn kull pajjiż jew reġjun Ewropew. L-iskrinjar tal-kanċer normalment huma eżamijiet tas-saħħa sempliċi u ta’ rutina li jieħdu biss ftit minuti. Sir af aktar billi tikklikkja fuq isem pajjiżek fil-lista ta’ hawn taħt.
Permezz tal-Pjan tal-Ewropa biex Jingħeleb il-Kanċer, l-Unjoni Ewropea għandha l-għan li taqleb is-sitwazzjoni attwali tal-kanċer b’azzjonijiet li jappoġġaw il-prevenzjoni, id-detezzjoni bikrija, it-trattament u l-kura kif ukoll il-kwalità tal-ħajja wara d-dijanjożi.
Il-kanċer tas-sider huwa l-aktar kanċer frekwenti fin-nisa fl-UE. Jekk jinqabad kmieni, ikollok għażliet aħjar għat-trattament u saħansitra jista’ jsalvalek ħajtek.
Huwa stmat li mara waħda minn kull 111 qiegħda f’riskju li tiżviluppa kanċer fl-għonq tal-utru. L-iskrinjar huwa eżami tas-saħħa sempliċi u ta’ rutina li jista’ jsalvalek ħajtek.
Il-kanċer tal-musrana huwa t-tieni l-aktar kanċer komunifin-nisa u t-tielet l-aktar kanċer komuni fl-irġiel. L-iskrinjar iżid l-għażliet ta’ trattament tiegħek u jtejjeb il-kwalità tal-ħajja tiegħek.
National screening programme (breast, colorectal and cervical cancer screening)
National screening programme (lung cancer screening)
National screening programme (general preventive programme that includes cancer screenings)
National screening programme (general information on cancer prevention, including lifestyle factors and vaccinations against HPV and Hep B)
National screening programme (breast cancer screening)
National screening programme (cervical cancer screening)
X’qed tagħmel l-UE?
Il-pjan tal-Ewropa biex Jingħeleb il-Kanċer huwa impenn politiku biex tinbidel is-sitwazzjoni tal-kanċer.
Il-qbid bikri permezz tal-iskrinjar tal-kanċer għandu rwol ċentrali biex jittaffa t-toqol tal-kanċer u biex insalvaw il-ħajjiet. Il-pjan tal-UE dwar il-kanċer stabbilixxa l-mira li 90% ta’ dawk li jikkwalifikaw jiġu offruti skrinjar tal-kanċer tas-sider, tal-għonq tal-utru u tal-musrana sal-2025.
L-iskema l-ġdida tal-UE għall-iskrinjar tal-kanċer tipprovdi programmi konsistenti u effettivi għall-iskrinjar tal-kanċer madwar l-UE. Biex tappoġġa dan, l-UE żviluppat linji gwida għall-iskrinjar tal-kanċer biex tgħin lill-pajjiżi tal-UE jimplimentaw il-programmi nazzjonali tal-iskrinjar tagħhom.
Din l-inizjattiva hija parti mill-Pjan tal-Ewropa biex Jingħeleb il-Kanċer biex jiġi indirizzat il-kanċer u tittejjeb is-saħħa pubblika.
Il-proporzjon ta’ persuni li jilqgħu l-istedina tagħhom għall-iskrinjar tal-kanċer ivarja bejn il-pajjiżi differenti tal-UE u ġo fihom stess. Ġew żviluppati Profili tal-Pajjiżi tal-Kanċer tal-Pajjiżi taħt ir-Reġistru Ewropew tal-Inugwaljanzi b’rabta mal-Kanċer jgħinu biex jiġu identifikati l-isfidi u jiġu kondiviżi l-aħjar prattiki bejn il-pajjiżi tal-UE biex jgħinuhom jindirizzaw l-inugwaljanzi tal-kanċer.
Proġetti ffinanzjati mill-EU4Health dwar l-identifikazzjoni bikrija
Kitt tal-midja tal-kampanja għall-iskrinjar tal-kanċer
Ingħaqad mal-kampanja #GetScreenedEU billi taqsam elementi viżivi u riżorsi essenzjali oħra biex tqajjem kuxjenza dwar l-iskrinjar tal-kanċer.
Elementi viżivi tal-kampanja f’format orizzontali
Elementi viżivi tal-kampanja f’format kwadru
Kartolini tal-kwotazzjonijiet f’format orizzontali
Kartolini tal-kwotazzjonijiet f’format kwadru